کۆمپانیای ‘Apple’ ناوەکەی لە چیەوە هاتووە؟

iKurd — Thu, 02 May 2013 18:22:46 +0000

ژمارەی بەکارهێنەری بەرهەمەکانی کۆمپانیای Apple ڕۆژ بە رۆژ لە زیاد بوندایە لە کوردسنان، بەتایبەتی بەرهەمەکانی ئایفۆن و ئایپاد، ئێستا بەرهەمەکانی وەک ئای ماک و ماک بووکیش زیادی کردووە ئەگەر چی بە ڕێژەیەکی کەمتر وەک لە ئایفۆن ئەمەش هۆکارەکەی لەوانەیە بگەڕێتەوە بۆ گرانی نرخ و جیاوازی سیستەمی کارگێڕیەکەی کە بە OS X ناسراوە کە زۆربەی خەڵکی وڵاتی ئێمە پێی ئاشنا نین کارێکی ئاسان نیە بەلای زۆر کەسەوە کە خۆی فێری ئەم سیستەمە کارگێڕیە نوێیە بکات، لە هەمان کاتیشدا نەبونی سەرچاوەی ئاسان بۆ فێربوونی ئەم کارە گرانتر دەکات.

شایەنی باسە کە پێش ساڵی ٢٠٠٧ و دەرچونی ئایفۆن کەسانێکی زۆر کەم ناوی Appleیان بیستبوو، دوای دەرچونی ئایفۆن و ئەو شۆڕشەی کە لە بواری ئامێری مۆبایلی هۆشمەندا بەرپایکرد ناوی ئەم کۆمپانیایە گەیشتە کوردستان.

بەس ئایا کەس بیری لەوە کردۆتەوە ناوی ئەم کۆمپانیایە لە چیەوە هاتووە، بۆچی وشەی Apple واتە سێو هەڵبژێردراوە بۆ کۆمپانیایەکی دروستکەری کۆمپیوتەر؟

لە چەند ماڵپەرو پەجە کوردیەکان لە فەیسبوک زۆر چیرۆکی دروستکراو باس دەکرێت ، لەوانەش:

١)ئەوی کە دامەزرێنەی کۆمپانیای ناوبراو “سیڤ جۆبس” کە ساڵی پێرار کۆچی دوای کرد بە مناڵی زۆر هەژار بوون و سێوێکی پێ بووە کە بردوویەتی بۆ قوتابخانە لەگەڵ خۆی رۆژی گازێکی لێ کرتووە و رۆژێک لە دەستی کەوتۆتە خوارەوە ، هاوپۆلەکانیشی گاڵتەیان پێ کردووە، کە ئەمەش کاری تێ کردووە وای لێ کردووە کە ئەو بەسەرهاتەی بیر کەوێتەوە و کومپانیاکەی ناو ناوە Apple و چۆن خۆی گازێکی لێ گرتووە لۆگۆکەشی هەر وا دروست کردووە.

٢) کە دامەزرێنەرەکان کۆبونەتەوە بۆ ئەوەی بڕیار بەن لە سەر ناوێک و سیڤ جۆبس هەر خەریکی سێو خواردن بووە بۆیە کۆمپانیاکەیان وا ناو ناوە.

دڵنایم بە چەند چیرۆکی هەڵبەستراوی تریش هەیە کە من نەمبیستووە یان لە بیرم نایە. ئایا چیرۆکی ڕاستەقینەی هۆکاری ناونانەکە چیە؟

بۆ دەستکەوتنی زانیاری ڕاست وا باشە ڕاستەوخۆ بچین بۆ سەرچاوەکەی.لە ژیاننامەی سیڤ جۆبس کە لە لایان ۆڵتەر ئایسیکسۆن لە ٢٠١١ پاش وەفاتی سیڤ بڵاو کراوەتەوە نوسسراوە:

on one of my fruitarian diets” and had just come back from an apple farm, and thought the name sounded “fun, spirited and not intimidating.“

لێرەدا باس لەوە دەکات کە ستیڤ تازە لە کێڵگەیەکی سێو هاتۆتەوە و ناوەکەی بە لاوە ناوێکی خۆش بووە و ڕوحیەتیكی تایبەتی هەبووە ئیزعاج نەبووە. لێرەدا باسی سەفەرێکی ستیڤە بۆ کێڵگەیەک لە هاویندا لە ویلایەتی کالیفۆرنیا.

ستیڤ ۆزنیاک کە لەگەڵ ستیڤ جۆبسدا کۆمپانیاکەیان دامەزراندووە لە کتێبی “ iWoz: Computer Geek to Cult Icon” کە لە ٢٠٠٦ دەری کردووە دەڵێ

"It was a couple of weeks later when we came up with a name for the partnership. I remember I was driving Steve Jobs back from the airport along Highway 85. Steve was coming back from a visit to Oregon to a place he called an “apple orchard.” It was actually some kind of commune. Steve suggested a name – Apple Computer. The first comment out of my mouth was, “What about Apple Records?” This was (and still is) the Beatles-owned record label. We both tried to come up with technical-sounding names that were better, but we couldn’t think of any good ones. Apple was so much better, better than any other name we could think of."

کە ئەمیش بەهەمان شێوە باسی سەفەرەکەی ستیڤ جۆبس ئەکات بۆ کێڵگەیەکی سێو لە ئۆریگۆن، باسی ئەوەش دەکات کە بیری بۆ ئەوە چووە کە کۆمپانیایەک هەیە بە ناوی Apple Records کە دەرهێنەری هۆنراوەن و خاوەنەکەی گروپی بەناوبانگ Beatlesە کە هەردوو جۆبس و ۆزنیاک عاشقی هۆنراوەکانیان بوون.

چەند بیرو ڕایەکی تریش هەیە لەوانە ئەوەیە کە ویستویانە ناوی کۆمپانیاکە لە Phone Book واتە ئەو کتیبەی کە ناو و ژمارەی تەلەفۆنی شوێنە گرنگەکانی وڵاتەکەی تیایە پێش ناوی کۆمپانیای Atari بێت ، ئەمەش لە یەکێک لە ڤیدیۆکانی سیڤ جۆبس دا باسی لێ ئەکات بە پێکەنینەوە ئایا ئەمە نوکتەیە یان ڕاست ئەوە نەزانراوە.

ئەمەش دوو ڤیدیۆیە کە تیایدا هەردوو دامەزرێنەر ستیڤ جۆبس و ستیڤ ۆزنیاک باسی ناوی کۆمپانیاکە ئەکەن.

نامیلکەیەک لەسەر سیستەمی کارگێڕی ماک بەزمانی کوردی

Mohammed — Wed, 20 Mar 2013 07:52:19 +0000

ماک یەکێکە لەسیستەمە کارگێڕییەکانی کۆمپیوتەر کە لە لایەن ئەپڵەوە پەرەی پێدەدرێت و سەرجەم ماکینتۆشەکانی ئەپڵ لەبنەڕەتدا ئەو سیستەمەیان لەسەر دامەزرێنراوە ، تائێستاش ئەم سیستەمە لە ناو کوردا تاڕادەیک کەم بایەخ کراوە ئەوەش ڕەنگ بێت هەڵکەوتەی جوگرافیای کوردستان کاریگەری کردبێتە سەری ، بەرحاڵ ئێمە وەک ماڵپەڕی TheiKurd بەخۆشحاڵییەوە یەکەم نامیلکە یان نیمچە پەرتووک بەزمانی کوردی بڵاو دەکەیەنەوە بۆ ئەوەی خوێنەر و بەکارهێنەری کورد زانییارییەکی دروستی هەبێت لەسەر ئەم سیستەمە ، ناونیشانی پەرتووکەکە بەناوی “لە ویندۆزەوە بۆ ماک” واتە زێدەتر بۆ ئەوانە بەسوود دەبێت کە لە سەرەتاوە مایکرۆسۆفت ویندۆزیان بەکاهێنابێت دوایی بچنە نێو ماکەوە .

باسکراوەکانی ناو کتێبەکە

*سیستەمی کارگێڕی و سیستەمی کارگێڕی ماک

*باسێکی خێزانی ماکینتۆش

*ڕیزبەندی وەشانەکانی ماک ئۆ ئێس ئێکس کەدوایی کرا بە ئۆ ئێس ئێکس

*جیاوازی زارەوەکان لەنێوان ویندۆز و ماک بەخشتە ڕوونکراوەتەوە

*کورتە باسێکی ماک ئەپ ستۆر و ئەپڵیکەیشنەکانی ئەپڵ لەنا ماک ئەپ ستۆر

تێبینییەک:ئەم پەرتووکە لە ١٩ ی ئازاری ٢٠١٣ دوایین گۆڕانکارییەکانی بۆ کراوە ، لەدوای ئەو ڕۆژەوە هەر
گۆڕانکارییەک لە ماک بکرێت ئەوا لە وەشانەکانی داهاتوو دێتە نووسین یان لە ماڵپەڕ بڵاودەکرێتەوە

دەتوانن لەم سێ دایگرن یاخوود بەشێوەی سەرهێڵ چاوی لێبکەن!

*بەستەری TheiKurd (ئەمەیان دەتوانی بە شێوەی سەرهێڵ چاوی لێبکەی و گەر ئارەزوومەندیشی لەوێ دایگریت )

*لەگووگڵ Docs

*بەستەری Mediafire (ئەمەیان بەس بۆ داگرتنیەتی واتە پێویست ناکا دوای داگرتن سەرهێڵ بیت)

ئەپڵیکەیشنی Paper by FiftyThree بۆ وێنەکێشی

Mohammed — Sat, 09 Mar 2013 16:10:41 +0000

ئەپڵیکەیشنی Paper by FiftyThree : باشترین ئەپڵیکەیشنی ساڵی ٢٠١٢ بوو بۆ ئایپاد لە جۆری ئەپڵیکەیشنە بەخۆڕاییەکان! ئەم ئەپڵیکەیشنە تایبەتە بە وێنە کێشی و نووسینی تێبینییەکانت بە پەنجە و جۆرەها فڵچە و ڕەنگ و شێوەی لەگەڵ دایە هاوکات ئەپڵکەیشنەکە بە خۆڕایییە بەڵام بەشێک لە پێداویستی جوانکاری و فڵچەکان بەپارەن!

داگرتن تەنیا بۆ ئایپادە و پاڵپشتی بۆ وەشانی سیستەمی کاڕگێڕی ئای ئۆ ئیسی سەروو و ٥.٠ دەکات

کرتە بکە بۆ داگرتنی لە App Store

زانیاری زۆرتر وەرگرە لە ماڵپەڕێ فەرمی ئەپڵیکەیشنەکە

لێرەوەش بە ڤیدیۆ بیبینە لە ڤیمۆ (کرتە بکە بۆ بینی لە ڤیمۆ)

نموونەی کارەکانی ئێمە (TheiKurd) بۆ وێنەکێشی لەم بەرنامەیەدا!

iOS 6.1.2 دابگرە

iKurd — Wed, 20 Feb 2013 12:51:24 +0000

ئێستا iOS 6.1.2 ئامادەیە بۆ داگرتن. کۆمپانیای ئەپڵ سیستەمی کارگێری بۆ ئامێری ئایفۆن، ئایپۆد و ئایپاد ناسراو بە iOS نوێ کردەوە بۆ وەشانی ٦.١.٢. لەم وەشانە نوێیەدا چارەسەری هەندێ کێشەی تیا کراوە کە پەیوەندی بە توانای هێڵەکەوە هەبوو هەروەها کێشەی زوو کەمبونەوەی شەحنی ئامێرەکان، بەس لەوە ناچێت چارەسەری کێشەی پاسکۆد لۆک کرابێت کە ڕێ بە هەموو کەس دەدات ئایفۆن بکەنەوە ئەگەر چی پاسۆردیشی لەسەر بێت.

بەخۆشحاڵیەوە ئەو کەلێنەی کە بەکارهاتبوو بۆ جەیلبرەیک کردنی وەشانەکانی iOS ی ٦ نەگیراون.

گروپی هاکەری Evad3rs توڵی جەیلبرەیکی Evasi0n یان نوێ کردەوە بۆ وەشانی ١.٤ بۆ ئەوەی ئەم سیستەمە نوێیە جەیلبرەیک بکات.

داگرتن:

iPhone 5 GSM
iPhone 5 CDMA
iPhone 4S
iPhone 4 GSM
iPhone 4 CDMA
iPhone 3GS
iPad mini (GSM, CDMA, Wi-Fi)
iPad نەوەی چوارەم (GSM, CDMA, Wi-Fi)
iPad نەوەی سێیەم (GSM, CDMA, Wi-Fi)
iPad 2 (GSM, CDMA, Wi-Fi)
iPod touch نەوەی چوارەم
iPod touch نەوەی پێنجەم

جەیلبرەیککردنی iOs 6.x بە Evasi0n

iKurd — Mon, 04 Feb 2013 20:41:36 +0000

دوای چاوەڕوانیەکی زۆر گروپی هاکەرانی Evand3rs جەیلبرەیکی جێگیریان بۆ iOS 6.x دەرکرد کە ناوی Evasi0nە.

ئاگاداری:

١)ئەو کەسانەی کە ئایفۆنەکانیان بە Ultrasn0w یاخود Gevey Sim ئەنلۆک کردووە خۆیان لەم وەشانە بەدور بگرن.

٢) پێش ئەوەی جەیلبرەیک بکەی زانیاریەکانت پاشەکەوت بکە بۆ ئەوەی بەهۆی هەر هۆکارێکەوە ئامێرەکەت پێویستی بە ریستۆر هەبێت زانیاریەکانت نەفەوتێت. (چۆنیەتی پاشەکەوتکردن)

٣) Shsh بۆ ئامێرەکانتان پاشەکەوت بکە . (چۆنیەتی پاشەکەوتکردنی Shsh)

ئەم جەیلبرەیکە پاڵپشتی ئەم ئامێرانە ئەکات:

iPhone 5, iPhone 4S, iPhone 4, iPhone 3GS
iPhone Touch 5G, iPod Touch 4G
iPad 4, iPad 3, iPad 2, iPad mini
Apple TV 2G

داگرتن:

Evasi0n 1.4:

ڤیدیۆی شیکاری:

iOS 6.1 دابگرە

iKurd — Mon, 04 Feb 2013 15:32:40 +0000

وا ئێستا جەیلبرەیکی iOS 6 و بەرەوژور لەسەر دەرچونە ، وا ئامؤژگاری خەڵک ئەکرێت ئامێرەکانیان بەرز بکەنەوە بۆ نوێترین وەشانی سیستەمی کاڕگێڕیەکە کە ئەویش لەم کاتەدا ٦.١ ەکە و لەلایەن جەیلبرەیکی Evasi0n پاڵپشت دەکرێت.

ئاگاداری: ئەو کەسانەی ئایفۆنەکانین بە Ultrasn0w یاخود بە Gevery Sim ئەنلۆک کردووە خۆیان بەدورر بگرن لەم وەشانە.

داگرتن:

یاری Temple Run 2 دەرچوو

Mohammed — Thu, 17 Jan 2013 16:18:39 +0000

دوێنی چوارشەممە ١٦ی کانوونی دووەم یاری بەناوبانگ Temple Run2 هاتە بڵاوکردنەوە لەلایەن پەرەپێدەرانی (دیڤیلۆپەر) imangi Studios , LLC ، شایەنی باسکردنە یاریە بەستراویشە بە Game Center و ئەمە یەکەم وەشانی ڕاکردن لە پەرستگای دووەمە کە گۆڕانکاری زۆری بۆ کراوەوە لە چاو وەشانی یەکەمی ڕاکردن لە پەرستگا وە لەوەشانی ڕاکردنی پەرستگای یەکەم زێدەتر لە ١٧ ملیۆن جار ئەم یاریە داگیرابوو کە ئەمەش سەرکەوتنێکی تری بەیاریەکە بەخشیبوو

داگرتن لە ئاپ ستۆر بۆ ئایفۆن و ئایپۆد و ئایپاد بەخۆڕاییە

iOS 6 و iTunes 10.7 دابگرە.

iKurd — Fri, 21 Sep 2012 12:55:48 +0000

دوای نمایشکرنی وەشانی شەشەمەی iOS لە مانگی حوزەیران لە WWDC 2012 ، ئێستا ئەم وەشانە ئەمادەیە بۆ داگرتن. هەروەها وەشانی ١٠.٧ ی پرۆگرامی ئایتیونسیش بەهەمان شێوە ئامادەیە بۆ داگرتن بی بەرامبەر.

ئاگاداری :ئەو کەسانەی کە ئایفۆنەکانیان لەڕێگەی Ultrasn0w یاخەد بە Gevey Sim ئەنلۆک کردووە خۆیان لەم وەشانە نوێیەی iOS بە دوور بگرن چۆنکە دەبێتە هۆی بەرزبونەوەی بەیسباندەکەیان و لەدەستچونی ئەنلۆکەکەیان.لەم کاتەدا هێشتا جەیلبرەیک ئەنتێزەر بۆ ئەم وەشانە نیە بۆیە ئەگەر بەلاتەوە گرنگە جەیلبرەیکیش بکەیت خۆت لەم وەشانە بە دوور بگرە.

ئەم وەشانە نوێیەی iOS پاڵپشتی ئەم ئامێرانە دەکات:

ئایفۆن ٥، ئایفۆن ٤س ، ئایفۆن ٤، ئایفۆن ٣جس ، ئایپادی نوێ ، ئایپاد ٢، ئایپۆد تەچ ٥ج، ئایپۆد تەچ ٤ج.

بەستەری داگرتن:

iTunes 10.7

iPhone 5 GSM – iPhone5,1_6.0_10A405_Restore.ipsw

iPhone 5 CDMA – iPhone5,2_6.0_10A405_Restore.ipsw

iPhone 4S – iPhone4,1_6.0_10A403_Restore.ipsw

iPhone 4 GSM – iPhone3,1_6.0_10A403_Restore.ipsw

iPhone 4 CDMA – iPhone3,3_6.0_10A403_Restore.ipsw

iPhone 3GS – iPhone2,1_6.0_10A403_Restore.ipsw

iPad 3 – iPad 3 WiFi – iPad 3 GSM – iPad 3 CDMA

iPad 2 – iPad 2 WiFi – iPad 2 GSM – iPad 2 CDMA

iPod Touch 5G – iPod5,1_6.0_10A406_Restore.ipsw

iPod Touch 4G – iPod4,1_6.0_10A403_Restore.ipsw

بەوێنە بەکارهێنانی دیزاینکاری ئەپڵ لەلایەن سامسۆنگ!

Mohammed — Tue, 14 Aug 2012 16:55:13 +0000

ماوەیەکە باس و خواس لەسەر دادگایەکەی نێوان ئەپڵ و سامسۆنگە بەوەی کە سامسۆنگ زۆرێ لە دیزاینەکانی ئەپڵی بەکارهێناوە لەبەرهەمەکانیدا ، میدیا جیهانیەکانیش وێنەی هاوشێوەکانبڵاو دەکەنەوە کە سامسۆنگ دیزاینەکانی ئەپڵی بەکارهێناوە لەبەرهەمەکانیدا ، لێرەشەوە بەشێک لەوێنەکان بڵاودەکەینەوە کە سامسۆنگ بەئاشکرا کارە دیزاینکاریەکانی ئەپڵی بەکارهێناوە .

١) بەکارهێنانی دیزاینی iPhone 3G/3Gs

٢) بەکارهێنانی دیزاینی iPad

٣) بەکارهێنانی دیزاینی iPhone 4\4s

٤) بەکارهێنانی ستایلی بازاڕگای ئەپڵ Apple Store

٥) بەکارهێنانی دیزاینی ماک مینی Mac Mini

٦) بەکارهێنانی دیزاینی ماک بووک ئێر Mac book Air

٧) بەکاهێنانی شێوازی کورتە پەیام Message

٨) بەکارهێنانی تەختەکلیلی هاوشێوەی iPad

٩)بەکاهێنانی دیزاینکاری بارگایی کەرەوە charger

١٠) بەکارهێنانی دیزاینکاری Siri

١١) بەکاهێنانی دیزاینکاری USB

١٢)بەکارهێاننی شێوازی دروستکردنی کارتۆنی ئامێرەکە

١٣)بەکارهێنانی شێوازی کەڤەرەکان

وەشانی Mountain Lion بۆ Mac لەتەنیا ٤ڕۆژ ٣ملیۆن جار دابەزێنرا!

Mohammed — Sun, 05 Aug 2012 09:39:13 +0000

Mountain Lion (بەکوردی:شێری شاخەکە) ئەو وەشانە بوو بۆ سیستەمی کارپێکەری ماک لە ٢٥ی تەمموزی ٢٠١٢ ىڵاوکرایەوە ، لەدوای بڵاوکردنەوەشی ماڵپەڕی ئەپڵ ئاماژەیان بەوە کردووە ئەم وەشانە تەنیا لە چوار ڕۆژی یەکەمی بڵاوکردنەوەیدا زۆرتر لە سێ ملیۆن جار دابەزێنراوە لەکاتێکدا نرخی یەک دانەی ئەم وەشانە بە ١٩.٩٩ دۆلاری ئەمریکیە ، وە ماڵپەڕی ئەپڵ لەهەمان بابەتدا ئەو وەشانەی بەسەرکەوتووترین پڕ نوێکاریترین وەشان زانی بۆ ماک لەمێژووی کۆمپانیاکەیدا ، جێگای وەبری هاتنەوەیە ئەم وەشانە بڵاوکرایەوە بە ٢٠٠ گۆڕانکاری نوێوە کە کارئاسانی زۆری بۆ بەکارهێنەرانی بەرهەمەکانی ئەپڵی تیا کراوە

بەشێک لەنوێکاریەکان:

١)Reminder : دەتوانرێ وەک بیرهێنەرێک بەکاربێت ، پێشتریش بۆ سیستەمی کارپێکەری ئای ئۆ ئێس ٥ وەشێنرابوو

٢)Game center : ئەمە بۆ کێبڕکرێکردن لە نێوان بەکارهێنەرانی ئەپڵ لە یاریە کان دا ، ێشتریش بۆ سیستەمی کارپێکەری ئای ئۆ ئێس ٥ وەشێنرابوو

٣)Notification center:ئەمە بۆ ئاگادار کردنەوەی بەکارهێنەرەکەیە لەکاتی هاتنی پۆستی ئەلیکتڕۆنی نوێ و پەیامەکان لە تۆڕە کۆمەڵایەتیەکان و چەندان شتی تر ، ێشتریش بۆ سیستەمی کارپێکەری ئای ئۆ ئێس ٥ وەشێنرابوو

٤)power nap: بۆ تازەکردنەوە (ئەپدەیت) بەکاردێت تەنانەت لەوکاتەی کۆمپیوتەرەکەت خەوتبێت (Sleep)

٥)Dictation: بۆ تایپکردنی ئەو قسانەی بەکارهێنەر دەیکات ((پاڵپشتی زمانە جیهانیەکان دەکات لەوانە ئینگلیزی))

٦)Auto save:زۆر کات خەریکی کارکردنی لەسەر پڕۆگرامێ بەڵام نەتوانیوە کرداری پاشەکەوت (Save) بە ئەنجام بگەیەنیت ئەوا بەهۆی ئۆتۆ سەیڤ خۆکارانە پاشەکەوتی دەکات

٧) Face Book and Twitter: دەتوانیت بەئاسانی سوود لەم دوو تۆڕە کۆمەڵایەتیە وەرگریت و بەکاریان بهێنیت

سەرچاوەکان:

١)ماڵپەڕی ئەپڵ بابەتی Mountain Lion Downloads Top Three Million

٢)گۆڕانکاریەکانی شێری شاخەکە | ماڵپەڕی ئەپڵ